Lladrovci uron Krishtlindjen: Ditë për të kujtuar e vlerësuar kontribuuesit atdhetarë e fetarë të kombit tonë

14:16 | 25 Dhjetor 2025
E.G

Kryetari i Komunës së Drenasit, Ramiz Lladrovci, ka uruar besimtarët katolikë me rastin e festës së Kërshëndellave, duke iu dëshiruar mbarësi, mirëqenie dhe lumturi.

Në mesazhin e tij, Lladrovci u ka uruar për shumë mot të gjithë qytetarëve, shokëve dhe miqve që kremtojnë këtë festë, duke e cilësuar Kërshëndellën si një ditë reflektimi dhe vlerësimi për kontribuuesit atdhetarë e fetarë të kombit ndër shekuj.

Ai ka theksuar se kjo festë është gjithashtu një moment për të shprehur mirënjohje të veçantë ndaj aleatëve dhe ndaj të gjithë atyre që kanë dhënë dhe vazhdojnë të japin kontribut për fuqizimin e shtetit dhe ndërtimin e një të ardhmeje më të mirë.

“Për shumë mot, gëzuar Kërshëndellat!”, ka përfunduar urimin kryetari i Drenasit./Arbresh.info